सायबर पोलिसांत गुन्हा दाखल
धाराशिव:
येथील एका म्युच्युअल फंड वितरकाची विविध क्रेडिट कार्ड्समधून सुमारे ४ लाख रुपयांची ऑनलाइन खरेदी करून फसवणूक झाल्याचा प्रकार उघडकीस आला आहे. या प्रकरणी सायबर पोलीस ठाण्यात तीन अनोळखी आरोपींविरुद्ध गुन्हा दाखल करण्यात आला आहे.
खंडेराव रघुनाथ कवडे (वय ४३, रा. तेरणा कॉलेजजवळ, दत्तनगर, धाराशिव) हे एसबीआय, आयसीआयसीआय, ॲक्सिस, आणि एयू बँक या चार क्रेडिट कार्ड्सचा वापरतात.. सुमित आणि अशोक शर्मा या अनोळखी व्यक्तींनी त्यांची कोणतीही परवानगी न घेता त्यांच्या क्रेडिट कार्डची माहिती मिळवली. या माहितीचा वापर करून फ्लिपकार्ट या ऑनलाइन शॉपिंग साइटवरून मोठ्या प्रमाणात वस्तू खरेदी केल्या. या वस्तू त्यांनी पटना येथील वेगवेगळ्या पत्त्यांवर मागवून घेतल्या, ४,०१,६८२ रुपयांची फसवणूक झाल्याचे खंडेराव कवडे यांना कळाल्यानंतर, त्यांनी दिनांक १ ऑक्टोबर रोजी दिलेल्या सायबर पोलिसांनी भारतीय न्याय संहिता (भा.न्या.सं.) कलम ३१८(४) सह माहिती तंत्रज्ञान (सुधारित) अधिनियम २००८ च्या कलम ६६(सी) आणि ६६(डी) नुसार गुन्हा दाखल केला आहे. या प्रकरणाचा पुढील तपास सायबर पोलीस करत आहेत.
