“उन्हात आईसाठी घराघरात धावणारी लेक… तिची निष्ठा पाहून लोक भावूक!”

कळंब
उन्हात आईला विजयी करण्यासाठी घराघरात फिरणारी एक लेक. हातात प्रचारपत्रक आणि मनात फक्त एकच इच्छा, “आईसाठी लोकांपर्यंत पोहोचायचं.” थकवा, उन्हाची तीव्रता किंवा प्रचारातील कष्ट याची तिला चिंता नाही. तिचा साधा संवाद आणि मनापासून केलेला आग्रह पाहून अनेकांच्या भावना दाटून येतात. दार उघडणारे लोकही क्षणभर थांबून तिच्या निष्ठेकडे पाहतात.


कळंब नगरपालिकेच्या निवडणुकीचे वातावरण दिवसेंदिवस तापत आहे. उमेदवार घराघरात जात मतदारांशी संवाद साधत आहेत. प्रत्येक प्रभागात चुरशीची लढत दिसते आहे. घोषणांचा गोंगाट, समर्थकांची धावपळ आणि सततचे राजकीय गणित यामुळे शहरात निवडणुकीची धडपड वाढली आहे. पण या सगळ्यात प्रभाग क्रमांक सहामधील एक प्रसंग सगळ्यांच्या मनाला वेगळाच स्पर्श करून जातो.
महाविकास आघाडी कडून प्रभाग क्रमांक सहा मध्ये पांडूरंग कुंभार व अर्चना प्रताप मोरे या कॉग्रेस (आय) कडून निवडणूक लढवत आहे. यामध्ये आता अर्चना प्रताप मोरे यांच्या प्रचाराच्या गदारोळातही लेक प्रतिक्षा कडुन आई – लेकीच्या या नात्याचे दर्शन मतदारांच्या मनात एक खास जागा निर्माण करत आहे. निवडणुकीतील स्पर्धा, आरोप-प्रत्यारोप, रणनीती या सगळ्यांमध्ये ही भावना वेगळीच उभी राहते. राजकीय उष्णतेतही या प्रयत्नात एक सच्चेपणा दिसतो. कळंबच्या धावपळीत हा छोटासा पण हृदयाला स्पर्श करणारा क्षण लोकांना निवडणुकीकडे एका वेगळ्या नजरेने पाहायला भाग पाडतो.

हे आहे भावनिक पत्र

माहेरची लेक….
पत्रास कारण की…
सर्वांना साष्टांग नमस्कार…. मी आपली लेक अर्चना प्रताप मोरे (जाधव), मला विसरून तर गेला नाही ना..
माझ्या लहानपणीची प्रत्येक आठवण तुमच्याशी जोडलेली आहे. तुमच्या अंगा खांद्यावर खेळुन मी मोठी झाले आहे, तुम्हीच माझा हात धरुन मला पहिले पाऊल टाकायची हिम्मत दिली होती. मला अजुनही तुम्ही माझ्यावर केलेले प्रेम व विश्वास आयुष्यभर आठवणी मध्ये राहणार आहे, माझी कायम नाळ तुमच्याशी जोडलेली आहे. मी कधीही माझ्या माहेरी आले की, आपल्या सर्वांच्या कुटुंबातील सदस्य आपुलकीने बोलतात, या प्रेमामुळे आपले ऋणानुबंध कायम आयुष्यभर टिकणार आहेत.
ज्या रस्त्यावर धावत मी लहानाची मोठी झाले, ती आठवण अजुनही माझ्या डोळ्यासमोर तरळते, मात्र आता त्याच रस्त्याची अवस्था आता पाहवत नाही, माझ्या माहेरच्या प्रभागातील नाल्यांची सफाई व इतर कामे झालेली नाही, विकास तर कोसोदुर आहे, त्यामुळे आता कोणीतरी या करीता पुढे यावे लागेल हा विचार करुन आपला आशिर्वाद पाठिशी घेऊन माझ्या माहेरातील प्रभाग क्रमांक 6 मध्ये कॉग्रेस (आय) निवडणुकीसाठी उभी राहिली आहे. मी फक्त निवडुन येण्यासाठी नाही तर, माझे माहेर स्वच्छ व सुंदर करण्यासाठी व तुमच्या स्वप्नातील प्रभागा मधील विकासाच्या पायाभरणी साठी निवडणूकीत उभी राहिली आहे, मी तुमची लेक आहे, तुम्ही आम्हाला ज्या प्रमाणे प्रेम दिले त्याच प्रमाणे साथ द्या..
तुम्ही लेकीला आशिर्वादरुपी मतदानाची साथ देणार हा मला विश्वास आहे.