धाराशिव – ब्राह्मण कल्याण ट्रस्ट, धाराशिव या सामाजिक संस्थेच्या वतीने आयोजित रक्तदान शिबिरात शहरातील ५१ दात्यांनी उत्स्फूर्तपणे सहभाग घेत रक्तदान केले.
सध्या शासकीय वैद्यकीय महाविद्यालयाच्या रक्तपेढीत रक्ताचा तुटवडा जाणवत असल्याने रक्तदानाचे आवाहन करण्यात आले होते. या आवाहनाला प्रतिसाद देत ट्रस्टतर्फे सिनर्जी इन्फोटेक येथे सकाळी १० ते दुपारी ३ या वेळेत रक्तदान शिबिराचे आयोजन करण्यात आले.
शासकीय वैद्यकीय महाविद्यालयाच्या रक्तपेढीच्या वतीने रक्तसंकलन करण्यात आले. शिबिराच्या यशस्वी आयोजनासाठी ब्राह्मण कल्याण ट्रस्टच्या स्वयंसेवकांनी विशेष परिश्रम घेतले. या उपक्रमामुळे सामाजिक बांधिलकीचे उत्तम उदाहरण शहरासमोर ठेवले गेल्याचे समाधान आयोजकांनी व्यक्त केले.
