कळंब
सार्वजनिक रस्त्यावर वाहने अडथळा निर्माण करतील अशा धोकादायक पद्धतीने उभी केल्याप्रकरणी कळंब पोलिसांनी चौघांवर गुन्हे नोंदवले आहेत. मात्र अशी कारवाई कायम करण्यात यावी अशी मागणी नागरिकांमधून होत आहे.
आरोपी दत्तात्रय श्रीकांत काटे (36, रा. हिंगणगाव), संतोष मुरलीधर माने (42, रा. इंदीरानगर, कळंब), गणेश प्रभाकर खापे (42, रा. भाटशिरपूरा), आणि बशीर शब्बीर शेख (33, रा. जुने पोलीस स्टेशनजवळ, कळंब) अशी त्यांची नावे आहेत.
दिनांक 6 नोव्हेंबर रोजी दुपारी 1.30 ते सायंकाळी 5.10 या वेळेत या चौघांनी अनुक्रमे अॅपे रिक्षा व महिंद्रा मॅक्स ही वाहने श्री छत्रपती शिवाजी महाराज चौक, बंसत हॉटेलसमोर, देशमुख मेडिकलसमोर आणि डिकसळ–कळंब रोडवर सार्वजनिक रस्त्यावर अडथळा निर्माण होईल अशा पद्धतीने उभी केली होती.
याबाबत पोलिसांना माहिती मिळताच त्यांनी घटनास्थळी जाऊन पाहणी केली आणि संबंधितांवर भारतीय न्याय संहिता कलम 285 मोवाका अंतर्गत स्वतंत्र चार गुन्हे नोंदवले.
कायम कारवाई करणे आवश्यक
कळंब शहरातील मुख्य चौकात कायम वाहतूक कोंडी होत असते, त्यामुळे नागरिकांना त्रास होत आहे. विशेष म्हणजे शहरातील मुख्य चौकात अस्ताव्यस्त दुचाकी लावलेल्या असतात.
