कळंब येथे तरुणीचा गळफास घेऊन मृत्यू; पतीसह तीन जणांविरुद्ध गुन्हा दाखल

कळंब

तालुक्यातील देवधानोरा येथील श्रध्दा मारुती माने या महिलेने दि. 29 नोव्हेंबर 2025 रोजी सकाळी 8.30 वाजता राष्ट्रमाता जिजाऊ पतसंस्थेच्या बाथरूममध्ये गळफास घेऊन आत्महत्येसारखे पाऊल उचलल्याची घटना घडली होती, अखेर या प्रकरणी कळंब पोलीस ठाण्यात गुन्हा दाखल करण्यात आला आहे.

या प्रकरणी श्रध्दा मारुती माने हिच्या कुटुंबीयांकडून दिलेल्या तक्रारीनुसार पती मारुती उत्रेश्वर माने, सासरे उत्रेश्वर माने व सासू भगीरथी उत्रेश्वर माने यांनी चारित्र्याच्या संशयावरुन श्रध्दा यांना मानसिक व शारीरिक त्रास दिला असल्याचा आरोप करण्यात आला आहे.
या तक्रारीवरुन फिर्यादी बळीराम श्रीपती गोरे (वय 54, रा. धनेगाव, ता. केज, जि. बीड) यांनी दि. 9 डिसेंबर 2025 रोजी कळंब पोलीस ठाण्यात तक्रार दिली असून, भारतीय न्याय संहिता कलम 108 व 3(5) अन्वये गुन्हा दाखल करण्यात आला आहे.
या घटनेचा पुढील तपास कळंब पोलीस करत आहेत.