कळंब
ट्रॅक्टर आणि जेसीबी भाडेकराराचे आमिष दाखवत वाहनमालकांना जाळ्यात ओढून लाखोंची फसवणूक करणाऱ्या दोन ठगांविरुद्ध कळंब पोलीस ठाण्यात गुन्हा दाखल झाला आहे.
अजय संतोष चव्हाण (रा. सरताळे, ता. जावळी, जि. सातारा) आणि रफीक अब्दुल शेख (रा. दसमेगाव, ता. वाशी) अशी आरोपींची नावे आहेत.
बालाजी श्रीहरी मोरे (वय 40, रा. दसमेगाव) यांनी दिलेल्या तक्रारीनुसार आरोपींनी ‘प्रत्येक ट्रॅक्टरला 30 हजार रुपये आणि जेसीबीला महिन्याकाठी 1 लाख रुपये भाडे’ मिळेल असे सांगत नोटरीद्वारे करार तयार केले. शुरुवातीला काही रक्कम डिपॉझिट म्हणून देऊन त्यांनी 22 ट्रॅक्टर मालक आणि 2 जेसीबी मालकांचा विश्वास जिंकला.
यानंतर आरोपी थेट वाहनमालकांच्या घरात जाऊन एकूण 1 कोटी 22 लाख रुपये किमतीची वाहने घेऊन गायब झाले. कोणतेही भाडे न देता किंवा परत न करता दोघांनी मोठ्या प्रमाणावर फसवणूक केल्याचे समोर आले आहे.
4 डिसेंबर रोजी दिलेल्या फिर्यादीवरून कळंब पोलीस ठाण्यात भा.दं.वि. कलम 318(4), 236, 237, 3(5) अन्वये गुन्हा दाखल करण्यात आला असून पोलीस आरोपींच्या शोधासाठी हालचालींना वेग देत आहेत.
