खडकीजवळ भीषण अपघात, सात ऊसतोड मजूर जखमी

कळंब
तालूक्यातील खडकी येथे रस्त्यालगत बसलेल्या ऊसतोड मजूरांना भरधाव वाहनाने जोरदार धडक दिली आहे. यामध्ये अनेक ऊसतोड मजूर गंभीर जखमी झाले आहेत. या मजुरावरती उपजिल्हा रुग्णालयात येथे उपचार सुरू आहेत.

कळंब तालुक्यातील खडकी येथील शंकर डोंगरे या शेतकऱ्यांचा ऊस साखर कारखान्याला गाळपासाठी जात होता. या ऊसाच्या तोडीसाठी मंगरूळ येथील ऊसतोड कामगार कार्यरत होते. ऊसाची ट्रॅक्टर खेप कारखान्यांकडे रवाना केली. यानंतर मजूर कळंब येथे जाण्यासाठी फडाच्या लगतच कळंब लातूर रस्त्यावर थांबले होते. याचवेळी अचानक एका वाहन या मजुरांच्या अंगावर गेले. यात सात मजूर जखमी झाले. जखमींना उपजिल्हा रुग्णालयात दाखल करण्यात आले.
ऊसतोड मजूर अतुल साहेबराव पवार ३० वर्षे, नेताजी मोतीराम पवार ३५, इश्वर प्रभू पवार ३३ वर्षे, ताई सुरेश पवार ४५, प्रभू मुरली पवार ५०, जनाबाई प्रभू पवार ४३, शिवाजी मोतीराम पवार ४० वर्षे हे ऊसतोड कामगार अपघातात जखमी झाले आहेत. यापैकी दोघांना अंबाजोगाई येथे हलवण्यात आले आहे.
डॉ नागनाथ धर्माधिकारी, डॉ मनोजकुमार कवडे, डॉ सुधीर आवटे, डॉ पुरूषोत्तम पाटील, डॉ प्रशांत जोशी, डॉ स्वप्निल शिंदे, डॉ शरद शिंदे, डॉ मिरा कस्तुरे व सर्व आरोग्य कर्मचारी यांनी तातडीने वैद्यकीय उपचार केले.